Fesdiväl-FAQs

>>> Du verstehst nix? Kein Problem: Wechsle einfach in der Sprachauswahl auf Hochdeutsch! <<<

So schauds aus: am 13.+ 14. April 2018 find´ des 8. Metal Franconia Festival in der Frangenhalle Deddelbach schdadd.

  • Des Ganze find´ on zwaa Dooch in der Halln schdadd. Es werd an Barbereich im Zeld neber der Halln gem.
  • 20 Bands on zwaa Dooch
  • Cambing
  • Stoffbändla
  • Die sensationelle, allseids beliebde Metal Karaoke mit DJ Undergrounded
  • Weisswöschdfrühschdügg
  • uvm.

F.A.Q. (Frigwendli Asggd Gwestschens)

Fesdivalkaddn
Do schaust under TICKETS. Die Cambing-Diggeds gibds bloß, solang der Vorrad reichd!

Wie schauds mit mangelnder Volljährigkeid aus?
Ganz einfoch....kumma däff bloß, wer mindesdens sechzä Johr old is und folgende Zeddl dabai hod.

Ihr benödigd bei Ankunfd:
1. Eine Erziehungsbeaufdraachung als PDF vom Greisjugendring Kitzingen, die koonst doo runderlodn Download (Die EBA muß vollsdändich ausgfülld und unterschriem sei. Abweichend däffn Zweidachesbesucher beide Dooch eintrong, auch wenn die Erziehungsbeaufdraachung eigentlich bloß aan Dooch gild. Des is mid die Behördn abgsprochen.)

2. einen Erziehungsbeaufraachdn (Der solld am besdn mind. 21 sein, bei nahen Verwandn reichd 18, und sich ausweisn könna. Er muß für die gleiche Dauer doo sei wie der Jugendliche und die auf der Erziehungsbeaufdraachgung genannten Vorraussedzunga erfülln.)

3. Kopie vom Ausweis des Erziehungsberechdichdn, der die Erziehungsbeaufdraachung underschriem hod.
Wer nicht alles einwondfrei vorweisn koo, däff net rei, AUCH NET BIS ZWÖLFA!! d.h. 16 und 17-jähriche brauchn auf alla Fäll an Erziehungsbeaufdroochdn.
Bei speziella Froogn zum Jugendschudz bitte an folgenda E-Mailadress schreim! klaus (ät) metal-franconia.com


Werds Festivalbändla geem?
Ja, werds! Allerdings wern bloß die Wochenendkaddn-Inhaber a Stoffbändla griegn.


Ist nooch der letztn Bänd des Taches scho Feieraamd?
Die letzte Bänd des Taches hörd am Freitooch gechä zwaa Uhr auf zer spilln, am Samstag gechä 1:30. Danooch ist bis dreia Barbedrieb und Meddl-Karaoge.

Wo kommä schloofn, wenn aan des Zeld ned daachd?
Gloär, in der Region gibds vill Möchlichkeiden underzerkumma. Einfoch mol guugln. Ansonsten auf der Webseite von Dettelbach.

Auf alla Fäll nehmd euch a Daxi. Ned bsuffn forn, bidde. 


Wie long gibds Kaddn im VVK?
Im Webshobb ko mä bis Middwoch, den 11.04.2018 beschdelln. Bei Zahlungseingang bis spädesdens Mondooch, den 09.04.2018 verschick mer die Diggeds noch. Bei späderer Beschdellung/Zahlung wern die Kaddn o der Kassa hinderlechd. Ab Mondooch, den 09.04.2018 ko mä bloß nu mid Paypal beschdelln.
Bei Abholung bei die Vorverkaufsschdelln, ended der Vorverkauf am Donnerschdooch mid Ladenschluss.


Gibts an Zeldpladz?
Frahli!!
 Er befind si direkd neber der Halln. Mit Campingdigged kummt ihr dord nei. Allerdings ohne Audo. Om Eingang däffd ihr ober auslodn und dann bargn. Für Wohnmobile/Wohnwägen etc. gibds an Schdellpladz neben dem Zeldpladz. Für Wohnmobile/Wonwägen etc. brauch ihr ober ka Campingdigged.

Ko mä scho am Donnerschdooch oreisen?
Naa! Der Zeldpladz öffned am Freidooch, den 13.04.2017 umä elfa.


Ist Glas auf dem Campground erlaubd?
NIX!
Mir hom für die uns zur Verfüchung gschdelln Flächn Aufloogn, an die mussmä uns haldn. Euer Brilln däffdä miednehma, Autoscheim müssen vor der Einfohrd aufs Gelände ausbaud wern! Des Glasverbod werd a kondrollierd. Alle Gläser, Flaschen, die gfundn wern, wern konfiszierd. Nachdem der Aufwand für die Aufbewohrung und Wiederausgabe bei Verlassn des Gländes zu groß wär, beschdehd kein Anspruch auf Wiederausgabe der konfiszierdn Ware. Dädd euch und uns also bidde den Gfalln und lessd des Gloos gleich daham. Denkd auch bidde an die freiwillichn Helfer, die beim aufraama auf die Gnie rummrutschn müssn, um die Scherm vo der Wiesn aufzusammln. Wemä des ned machn kriegn mä des Glände nemmer und wos des hassd, könndä euch ja vorschdelln. Des is also ka Schickane vo uns.

Und grillen?
Is aufm Zeldpladz verboodn. Es gibt am Eingang vom Zeldpladz an Bereich, wo ihr Grillen däffd. Der ist vo jedem Zeld innerhalb vo aaner Minuddn erreichbor. Offenes Feuer is VERBOODN. Falls bei Zuwiderhandlung a Feierlöscher eingsedzd wern muss, werd die Neubefüllung der bedreffndn Berson in Rechnung gesdelld.


Ko mä nebern Audo zeldn?
Wie bereids weider obm erwähnd, is des (aus Pladz- und Genehmichungsgründen) ned möchlich!


Sunsd nu Froong?
Dann sdelld eure Frooch über des Kontaktformular oder über Facebook